kam kisi taur na hogi ye girani sar se

kam kisī taur na hogī ye girānī sar se

ab nahīñ jā.egā āzār-e-nihānī sar se

kyoñ ubhartā hī nahīñ jazba-e-iḳhlās-o-vafā

kyoñ nikaltī hī nahīñ resha-davānī sar se

abhī TuuTī hī kahāñ āhanī dīvār-e-rusūm

abhī niklā hī kahāñ josh-e-javānī sar se

merī ġhairat kā taqāzā hai ki imdād na luuñ

ūñchā hotā hai to hotā rahe paanī sar se

ho chukā 'ahd-e-vafā ḳhatm hamārā kab kā

ab to vallāh nikālo ye kahānī sar se

ham ne girne na diyā parcham-e-anvār-e-ḳhudī

jab talak jaarī rahī ḳhuuñ kī ravānī sar se

jab bhī hotā hai suḳhan-goī pe maa.il 'gauhar'

ḳhud chhalak paḌte haiñ alfāz-o-ma'ānī sar se

kam kisi taur na hogi ye girani sar se

ab nahin jaega aazar-e-nihani sar se

kyon ubharta hi nahin jazba-e-iKHlas-o-wafa

kyon nikalti hi nahin resha-dawani sar se

abhi TuTi hi kahan aahani diwar-e-rusum

abhi nikla hi kahan josh-e-jawani sar se

meri ghairat ka taqaza hai ki imdad na lun

uncha hota hai to hota rahe pani sar se

ho chuka 'ahd-e-wafa KHatm hamara kab ka

ab to wallah nikalo ye kahani sar se

hum ne girne na diya parcham-e-anwar-e-KHudi

jab talak jari rahi KHun ki rawani sar se

jab bhi hota hai suKHan-goi pe mail 'gauhar'

KHud chhalak paDte hain alfaz-o-ma'ani sar se