kamal-e-admi ki intiha hai
kamāl-e-ādmī kī intihā hai
vo ā.inda meñ bhī sab se baḌā hai
koī raftār hogī raushnī kī
magar vo us se bhī aage gayā hai
jahāñ baiThe sadā-e-ġhaib aa.ī
ye saaya bhī usī dīvār kā hai
mujassam ho ga.e sab ḳhvāb mere
mujhe merā ḳhazāna mil gayā hai
haqīqat ek hai lazzat meñ lekin
hikāyat silsila-dar-silsila hai
yūñhī hairāñ nahīñ haiñ aañkh vaale
kahīñ ik aa.ina rakkhā huā hai
visāl-e-yār se pahle mohabbat
ḳhud apnī zaat kā ik rāstā hai
salāmat aa.ine meñ ek chehra
shikasta ho to kitnā dekhtā hai
kamal-e-admi ki intiha hai
wo aainda mein bhi sab se baDa hai
koi raftar hogi raushni ki
magar wo us se bhi aage gaya hai
jahan baiThe sada-e-ghaib aai
ye saya bhi usi diwar ka hai
mujassam ho gae sab KHwab mere
mujhe mera KHazana mil gaya hai
haqiqat ek hai lazzat mein lekin
hikayat silsila-dar-silsila hai
yunhi hairan nahin hain aankh wale
kahin ek aaina rakkha hua hai
visal-e-yar se pahle mohabbat
KHud apni zat ka ek rasta hai
salamat aaine mein ek chehra
shikasta ho to kitna dekhta hai
- Book : Pakistani Adab (Pg. 607)
- Author : Dr. Rashid Amjad
- Publication : Pakistan Academy of Letters, Islambad, Pakistan (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
