kaman mein khinch hai pahle si aur na tir mein rang

kamāñ meñ khīñch hai pahle sī aur na tiir meñ rañg

lahū bahegā to aa.egā jū-e-shīr meñ rañg

junūn-e-husn-parastī bhī de diyā yārab

ki pahle kam to nahīñ the mire ḳhamīr meñ rañg

ye kis ke dar se milī hai sikandarī mujh ko

ye kaun Daal gayā kāsa-e-faqīr meñ rañg

mahal banā.ūñgā qaus-e-quzah kā tere liye

Thahar ga.e jo kabhī haath kī lakīr meñ rañg

tū ḳhaak hone se pahle ye ehtimām to kar

amal bichhā deñ rah-e-munkar-o-nakīr meñ rañg

judā.iyoñ ke parinde unheñ uḌā leñge

hinā se bāñdh to luuñ haath kī lakīr meñ rañg

tumhāre husn-e-ta.alluq meñ rañg bhartā huuñ

bhare haiñ sher se vāris ne jaise hiir meñ rañg

kaman mein khinch hai pahle si aur na tir mein rang

lahu bahega to aaega ju-e-shir mein rang

junun-e-husn-parasti bhi de diya yarab

ki pahle kam to nahin the mere KHamir mein rang

ye kis ke dar se mili hai sikandari mujh ko

ye kaun Dal gaya kasa-e-faqir mein rang

mahal banaunga qaus-e-quzah ka tere liye

Thahar gae jo kabhi hath ki lakir mein rang

tu KHak hone se pahle ye ehtimam to kar

amal bichha den rah-e-munkar-o-nakir mein rang

judaiyon ke parinde unhen uDa lenge

hina se bandh to lun hath ki lakir mein rang

tumhaare husn-e-talluq mein rang bharta hun

bhare hain sher se waris ne jaise hir mein rang