kaman shikasta hai tarkash mein bhi Thikana nahin

kamāñ shikasta hai tarkash meñ bhī Thikāna nahīñ

vo tiir kyā chale jis kā koī nishāna nahīñ

to phir ye 'ishq bhalā kaise surḳh-rū hogā

hameñ chhupānā nahīñ aur unheñ dikhānā nahīñ

ye ashk hī nahīñ jazbāt ke farishte haiñ

jo ho sake to palak se inheñ girānā nahīñ

tum apne zulf kī ḳhushbū sañbhāl kar rakhnā

ki āj-kal kī havāoñ kā kuchh Thikāna nahīñ

diyā hai har na.e mausam ne ek dard nayā

purānā zaḳhm hamāre liye purānā nahīñ

hamārā haq hai ki ham kuchh kaheñ kaheñ na kaheñ

ġhazal hamārī kisī mulk kā tarāna nahīñ

kaman shikasta hai tarkash mein bhi Thikana nahin

wo tir kya chale jis ka koi nishana nahin

to phir ye 'ishq bhala kaise surKH-ru hoga

hamein chhupana nahin aur unhen dikhana nahin

ye ashk hi nahin jazbaat ke farishte hain

jo ho sake to palak se inhen girana nahin

tum apne zulf ki KHushbu sanbhaal kar rakhna

ki aaj-kal ki hawaon ka kuchh Thikana nahin

diya hai har nae mausam ne ek dard naya

purana zaKHm hamare liye purana nahin

hamara haq hai ki hum kuchh kahen kahen na kahen

ghazal hamari kisi mulk ka tarana nahin