kan-ankhiyon par soch parinda baiTha tha

kan-añkhiyoñ par soch parinda baiThā thā

maiñ ne chehra ā.īne meñ dekhā thā

lafz na jumle aur na hī koī mafhūm

us ne ḳhat likkhā lekin kyā likkhā thā

merī rām-kahānī sab ne pūchhī thī

mere dil kā dard na koī jaanā thā

kyā tajdīd-e-marāsim kā imkān nahīñ

maiñ ma.asūm thā maiñ ne us se pūchhā thā

qaus-e-quzah kī chhūT bhī phīkī paḌtī thī

us par ishq kā rang hī gahrā chaḌhtā thā

jismoñ meñ haa.il thī kapḌoñ kī dīvār

un ke diloñ meñ fāsla lambā chauḌā thā

sab tehvār hī ham ne saath manā.e the

fasl-e-rasā.ī meñ vo ham se bichhḌā thā

tum ne hamāre zaḳhmoñ par marham rakkhā

jab ki vajūd-e-jān hamārā ristā thā

suud uThā ke Daalā apne khāte meñ

'īraj' tere naam ziyāñ kā saudā thā

kan-ankhiyon par soch parinda baiTha tha

main ne chehra aaine mein dekha tha

lafz na jumle aur na hi koi mafhum

us ne KHat likkha lekin kya likkha tha

meri ram-kahani sab ne puchhi thi

mere dil ka dard na koi jaana tha

kya tajdid-e-marasim ka imkan nahin

main masum tha main ne us se puchha tha

qaus-e-quzah ki chhuT bhi phiki paDti thi

us par ishq ka rang hi gahra chaDhta tha

jismon mein hail thi kapDon ki diwar

un ke dilon mein fasla lamba chauDa tha

sab tehwar hi hum ne sath manae the

fasl-e-rasai mein wo hum se bichhDa tha

tum ne hamare zaKHmon par marham rakkha

jab ki wajud-e-jaan hamara rista tha

sud uTha ke Dala apne khate mein

'iraj' tere nam ziyan ka sauda tha