kar de mujhko mere kaamon mein KHudaya kaamyab

kar de mujh ko mere kāmoñ meñ ḳhudāyā kāmyāb

maiñ qadam jis meñ rakhūñ ho azm merā kāmyāb

dekh kar dushman mire hairān haiñ har kaam ko

rashk un kā baḌh gayā mujh ko jo dekhā kāmyāb

dekh kar iqbāl merā hans ke kahte haiñ ye dost

dil hamārā kyoñ na ḳhush ho jab ho 'suġhrā' kāmyāb

dekh kar duniyā kī hālat dil ye kahtā hai merā

haiñ ye sab nākām ham haiñ ek tanhā kāmyāb

ā.eñge shāh-e-dakan ke jab mire ghar meñ qadam

maiñ samajh lūñgī huā qismat kā likkhā kāmyāb

dekh kar maiñ shaah ko kyā nazr duuñ hairān huuñ

ik qalam hai haath meñ jis ne banāyā kāmyāb

maiñ ne rakkhā hai bharosa ik ḳhudā kī zaat par

us ne apne fazl se mujh ko banāyā kāmyāb

hai ye merī aarzū jā.ūñ madīne ko kabhī

hai yaqīñ mujh ko kareñge mere maulā kāmyāb

mere aaqā mere haadī mere rahbar haiñ alī

mushkileñ āsān kar diiñ aur banāyā kāmyāb

kar de mujh ko mere kaamon mein KHudaya kaamyab

main qadam jis mein rakhun ho azm mera kaamyab

dekh kar dushman mere hairan hain har kaam ko

rashk un ka baDh gaya mujh ko jo dekha kaamyab

dekh kar iqbaal mera hans ke kahte hain ye dost

dil hamara kyon na KHush ho jab ho 'sughra' kaamyab

dekh kar duniya ki haalat dil ye kahta hai mera

hain ye sab nakaam hum hain ek tanha kaamyab

aaenge shah-e-dakan ke jab mere ghar mein qadam

main samajh lungi hua qismat ka likkha kaamyab

dekh kar main shah ko kya nazr dun hairan hun

ek qalam hai hath mein jis ne banaya kaamyab

main ne rakkha hai bharosa ek KHuda ki zat par

us ne apne fazl se mujh ko banaya kaamyab

hai ye meri aarzu jaun madine ko kabhi

hai yaqin mujh ko karenge mere maula kaamyab

mere aaqa mere hadi mere rahbar hain ali

mushkilen aasan kar din aur banaya kaamyab