kar ke ulfat yar se pachhtaen kya

kar ke ulfat yaar se pachhtā.eñ kyā

gardish-e-taqdīr se ghabrā.eñ kyā

jab nahīñ qadr-e-ḳhulūs-e-ahl-e-dil

nazr karne ke liye phir laa.eñ kyā

jo guzartī hai guzar jaane bhī do

chārāgar ko hāl-e-dil batlā.eñ kyā

dekh kar be-sāz-o-sāmānī mirī

kah rahe haiñ tere ghar ham aa.eñ kyā

sun ke larzāñ the zamīn-o-āsmāñ

dāstān-e-dard-e-dil dohrā.eñ kyā

jab nahīñ miltā kisī pahlū qarār

dil ko le jā kar kahīñ bahlā.eñ kyā

husn rusvā ho na ai 'aslam' kahīñ

rāzdāñ ko rāz-e-dil batlā.eñ kyā

kar ke ulfat yar se pachhtaen kya

gardish-e-taqdir se ghabraen kya

jab nahin qadr-e-KHulus-e-ahl-e-dil

nazr karne ke liye phir laen kya

jo guzarti hai guzar jaane bhi do

chaaragar ko haal-e-dil batlaen kya

dekh kar be-saz-o-samani meri

kah rahe hain tere ghar hum aaen kya

sun ke larzan the zamin-o-asman

dastan-e-dard-e-dil dohraen kya

jab nahin milta kisi pahlu qarar

dil ko le ja kar kahin bahlaen kya

husn ruswa ho na ai 'aslam' kahin

raazdan ko raaz-e-dil batlaen kya