karam ho ya sitam sar apna KHam yun bhi hai aur yun bhi

karam ho yā sitam sar apnā ḳham yuuñ bhī hai aur yuuñ bhī

tirā dīvāna to sābit-qadam yuuñ bhī hai aur yuuñ bhī

jafā ho yā vafā us kā karam yuuñ bhī aur yuuñ bhī

navāzish roz-o-shab aur dam-ba-dam yuuñ bhī hai aur yuuñ bhī

bhulā deñ yā kareñ ham yād-e-ġham yuuñ bhī hai aur yuuñ bhī

kisī ke hijr meñ ḳhud chashm-e-nam yuuñ bhī hai aur yuuñ bhī

hayāt-o-maut kā maqsad samajh meñ aa nahīñ saktā

vagarna aadmī majbūr-e-ġham yuuñ bhī hai aur yuuñ bhī

milī rone se jab fursat to aañsū pī liye ham ne

mohabbat ke liye goyā bharam yuuñ bhī hai aur yuuñ bhī

baġhāvat koī kartā hai razā par hai koī qaa.il

vo hai ma.abūd us kā to karam yuuñ bhī hai aur yuuñ bhī

nigāh-e-nāz se vo dekh kar nazreñ churātā hai

hamārā dil 'ḳhizar' mashq-e-sitam yuuñ bhī hai aur yuuñ bhī

karam ho ya sitam sar apna KHam yun bhi hai aur yun bhi

tera diwana to sabit-qadam yun bhi hai aur yun bhi

jafa ho ya wafa us ka karam yun bhi aur yun bhi

nawazish roz-o-shab aur dam-ba-dam yun bhi hai aur yun bhi

bhula den ya karen hum yaad-e-gham yun bhi hai aur yun bhi

kisi ke hijr mein KHud chashm-e-nam yun bhi hai aur yun bhi

hayat-o-maut ka maqsad samajh mein aa nahin sakta

wagarna aadmi majbur-e-gham yun bhi hai aur yun bhi

mili rone se jab fursat to aansu pi liye hum ne

mohabbat ke liye goya bharam yun bhi hai aur yun bhi

baghawat koi karta hai raza par hai koi qail

wo hai mabud us ka to karam yun bhi hai aur yun bhi

nigah-e-naz se wo dekh kar nazren churaata hai

hamara dil 'KHizar' mashq-e-sitam yun bhi hai aur yun bhi