karam tera ki soz-e-jawedani le ke aai hun

karam terā ki soz-e-jāvedānī le ke aa.ī huuñ

magar ye kyā ki maiñ ik umr-e-fānī le ke aa.ī huuñ

ye kis kāfir kī mahfil hai ki jis meñ nazr karne ko

maiñ dil kī dhaḌkaneñ āñkhoñ kā paanī le ke aa.ī huuñ

ye duniyā ye ḳhulūs-o-ishq ke rang-āfrīñ naġhme

bayābāñ meñ gulistāñ kī kahānī le ke aa.ī huuñ

bhaḌak kar sho.ala ban jaa.e ki bujh kar raakh ho jaa.e

havā kī zad pe sham-e-zindagānī le ke aa.ī huuñ

agar chāhūñ ye duniyā phūñk Dālūñ apne naġhmoñ se

ki maiñ sāñsoñ meñ sho.aloñ kī ravānī le ke aa.ī huuñ

mirā dil bhī hai mahsūsāt kā ātish-kada āḳhir

ajab kyā hai jo zauq-e-sher-ḳhvānī le ke aa.ī huuñ

ziyā-andoz huuñ ik āsmānī nuur se 'najma'

zamīñ par chāñd tāroñ kī javānī le ke aa.ī huuñ

karam tera ki soz-e-jawedani le ke aai hun

magar ye kya ki main ek umr-e-fani le ke aai hun

ye kis kafir ki mahfil hai ki jis mein nazr karne ko

main dil ki dhaDkanen aankhon ka pani le ke aai hun

ye duniya ye KHulus-o-ishq ke rang-afrin naghme

bayaban mein gulistan ki kahani le ke aai hun

bhaDak kar shoala ban jae ki bujh kar rakh ho jae

hawa ki zad pe sham-e-zindagani le ke aai hun

agar chahun ye duniya phunk Dalun apne naghmon se

ki main sanson mein shoalon ki rawani le ke aai hun

mera dil bhi hai mahsusat ka aatish-kada aaKHir

ajab kya hai jo zauq-e-sher-KHwani le ke aai hun

ziya-andoz hun ek aasmani nur se 'najma'

zamin par chand taron ki jawani le ke aai hun