karna paDa tha jis ke liye ye safar mujhe

karnā paḌā thā jis ke liye ye safar mujhe

vo mauj-e-shauq chhoḌ ga.ī ret par mujhe

ādāb-e-bazm ke sivā kuchh aur to na thā

mahfil meñ us ne paan diye ḳhaas kar mujhe

lauTā huuñ phir vo jism kī vīrāniyāñ liye

hasrat se dekhte haiñ ye dīvār-o-dar mujhe

bāzār kā to hosh hai lekin nahīñ ye yaad

kal raat kaun chhoḌ gayā mere ghar mujhe

āñkhoñ kā nuur siine meñ mahfūz kar liyā

is shahr meñ jo honā paḌā be-basar mujhe

is ke sivā ye raaz bhalā kaun jāntā

vo sab ko gāliyoñ se navāze magar mujhe

karna paDa tha jis ke liye ye safar mujhe

wo mauj-e-shauq chhoD gai ret par mujhe

aadab-e-bazm ke siwa kuchh aur to na tha

mahfil mein us ne pan diye KHas kar mujhe

lauTa hun phir wo jism ki viraniyan liye

hasrat se dekhte hain ye diwar-o-dar mujhe

bazar ka to hosh hai lekin nahin ye yaad

kal raat kaun chhoD gaya mere ghar mujhe

aankhon ka nur sine mein mahfuz kar liya

is shahr mein jo hona paDa be-basar mujhe

is ke siwa ye raaz bhala kaun jaanta

wo sab ko galiyon se nawaze magar mujhe