karta na kabhi wa lab-e-izhaar-e-tamanna

kartā na kabhī vā lab-e-iz.hār-e-tamanna

hotā maiñ agar vāqif-e-asrār-e-tamanna

ik jast meñ thī vus'at-e-kaunain ke us paar

allāh re ye garmī-e-raftār-e-tamanna

har aan hai ik naġhmagī-e-shauq kī jhankār

kyā zamzama-parvāz hai har tār-e-tamanna

nāmūs-e-tamanna kā bharam hai to usī se

kartā hī nahīñ jo kabhī iz.hār-e-tamannā

aatī hī nahīñ raah nazar us se mafar kī

har samt hai vo halqa-e-dīvār-e-tamanna

har shaḳhs ko saudā hai isī jins-e-girāñ kā

har shaḳhs hai duniyā meñ parastār-e-tamanna

ik hashr sā barpā hai mire dil meñ 'jalīs' aaj

TuuTī hai yaqīnan koī dīvār-e-tamannā

karta na kabhi wa lab-e-izhaar-e-tamanna

hota main agar waqif-e-asrar-e-tamanna

ek jast mein thi wus'at-e-kaunain ke us par

allah re ye garmi-e-raftar-e-tamanna

har aan hai ek naghmagi-e-shauq ki jhankar

kya zamzama-parwaz hai har tar-e-tamanna

namus-e-tamanna ka bharam hai to usi se

karta hi nahin jo kabhi izhaar-e-tamanna

aati hi nahin rah nazar us se mafar ki

har samt hai wo halqa-e-diwar-e-tamanna

har shaKHs ko sauda hai isi jins-e-giran ka

har shaKHs hai duniya mein parastar-e-tamanna

ek hashr sa barpa hai mere dil mein 'jalis' aaj

TuTi hai yaqinan koi diwar-e-tamanna