karte hain etiraaz ki hum bolte nahin

karte haiñ e'tirāz ki ham bolte nahīñ

ham bolne lageñ to sanam bolte nahīñ

ḳhāmosh rahnā chāheñ to rahte haiñ der tak

jab bolne pe aa.eñ to kam bolte nahīñ

bachne kā sirf ek tarīqa hai ehtiyāt

choroñ ke chalte vaqt qadam bolte nahīñ

dil par kisī ke apnī samā.at ko rakh ke sun

kis ne kahā hai ye ki sitam bolte nahīñ

ashkoñ kā ruup le ke batāte haiñ dil kī baat

'ulfat' hamāre muñh se to ġham bolte nahīñ

karte hain e'tiraaz ki hum bolte nahin

hum bolne lagen to sanam bolte nahin

KHamosh rahna chahen to rahte hain der tak

jab bolne pe aaen to kam bolte nahin

bachne ka sirf ek tariqa hai ehtiyat

choron ke chalte waqt qadam bolte nahin

dil par kisi ke apni samaat ko rakh ke sun

kis ne kaha hai ye ki sitam bolte nahin

ashkon ka rup le ke batate hain dil ki baat

'ulfat' hamare munh se to gham bolte nahin