karti hai barbaad jab jab meri makkari mujhe

kartī hai barbād jab jab merī makkārī mujhe

phir bachā letī hai bas us kī nigah-kārī mujhe

vo jo kahtā thā zabāñ meñ shahd honā chāhiye

khaa.e jaatī hai usī kī talḳh guftārī mujhe

maiñ bhī mālik huuñ shab-e-hijrāñ kī kaalī raat kā

chain se sone na detī hai ye zardārī mujhe

jab talak thā ham-safar vo zindagī āsān thī

ho rahī hai raah meñ ab kitnī dushvārī mujhe

ho gayā thā maiñ bhī 'āshiq us ke jaisā 'ishq meñ

is liye karnī paḌī us kī taraf-dārī mujhe

dekh kar us kī adā.eñ ho gayā maiñ bhī asiir

yaad hai phir aaj tak us kī adākārī mujhe

mujh pe ab haavī nahīñ hotā koī dast-e-junūñ

aa ga.ī 'shamshād' jab se hai samajhdārī mujhe

karti hai barbaad jab jab meri makkari mujhe

phir bacha leti hai bas us ki nigah-kari mujhe

wo jo kahta tha zaban mein shahd hona chahiye

khae jati hai usi ki talKH guftari mujhe

main bhi malik hun shab-e-hijran ki kali raat ka

chain se sone na deti hai ye zardari mujhe

jab talak tha ham-safar wo zindagi aasan thi

ho rahi hai rah mein ab kitni dushwari mujhe

ho gaya tha main bhi 'ashiq us ke jaisa 'ishq mein

is liye karni paDi us ki taraf-dari mujhe

dekh kar us ki adaen ho gaya main bhi asir

yaad hai phir aaj tak us ki adakari mujhe

mujh pe ab hawi nahin hota koi dast-e-junun

aa gai 'shamshad' jab se hai samajhdari mujhe