karun kyon na aah-o-nala ki mujhe to kal na aae

karūñ kyoñ na āh-o-nāla ki mujhe to kal na aa.e

tire ḳhvāb-e-nāz meñ bhī shab-e-ġham ḳhalal na aa.e

rahe bekasī salāmat mujhe kyā kisī kī hājat

shab-e-va.ada tum na aao shab-e-ġham ajal na aa.e

vo hamārī aarzū thī ye ḳhushī thī apne jī kī

ki azā meñ aaj aa.e dam-e-naz.a kal na aa.e

asar-e-fuġhāñ to jab hai vo kahe ki ab tū dam le

kahīñ siina phaT na jaa.e kahīñ dil nikal na aa.e

phale phūle 'yās' lākhoñ shajar-e-ḳhizāñ-rasīda

mire naḳhl-e-ārzū meñ kabhī phuul phal na aa.e

karun kyon na aah-o-nala ki mujhe to kal na aae

tere KHwab-e-naz mein bhi shab-e-gham KHalal na aae

rahe bekasi salamat mujhe kya kisi ki hajat

shab-e-wada tum na aao shab-e-gham ajal na aae

wo hamari aarzu thi ye KHushi thi apne ji ki

ki aza mein aaj aae dam-e-naza kal na aae

asar-e-fughan to jab hai wo kahe ki ab tu dam le

kahin sina phaT na jae kahin dil nikal na aae

phale phule 'yas' lakhon shajar-e-KHizan-rasida

mere naKHl-e-arzu mein kabhi phul phal na aae