kashakashi ko jo tayyar bhi nahin rahte

kashākashī ko jo tayyār bhī nahīñ rahte

jahāñ meñ aisoñ ke āsār bhī nahīñ rahte

vo ḳhush hai jis ko kushāda-dilī mayassar hai

ki tang rāste hamvār bhī nahīñ rahte

zamīñ se kaT ke falak har kisī kā hotā gayā

bichhaḌne vāloñ ke me'yār bhī nahīñ rahte

jo kaam pahle-pahal mumkināt meñ bhī na hoñ

samay ke saath vo dushvār bhī nahīñ rahte

ziyāda duur 'adū bhī nahīñ hue mujh se

bahut qarīb mire yaar bhī nahīñ rahte

jahāñ pe apne hī rahne na deñ vahāñ 'hāris'

ba-vaj.h-e-tā’na-e-aġhyār bhī nahīñ rahte

kashakashi ko jo tayyar bhi nahin rahte

jahan mein aison ke aasar bhi nahin rahte

wo KHush hai jis ko kushada-dili mayassar hai

ki tang raste hamwar bhi nahin rahte

zamin se kaT ke falak har kisi ka hota gaya

bichhaDne walon ke me'yar bhi nahin rahte

jo kaam pahle-pahal mumkinat mein bhi na hon

samay ke sath wo dushwar bhi nahin rahte

ziyaada dur 'adu bhi nahin hue mujh se

bahut qarib mere yar bhi nahin rahte

jahan pe apne hi rahne na den wahan 'haaris'

ba-wajh-e-ta’na-e-aghyar bhi nahin rahte