kashish se dil ki us abru-kaman ko hum rakha bahla

kashish se dil kī us abrū-kamāñ ko ham rakhā bahlā

jo kar qabze meñ dil sab kā phire thā sab se vo gahlā

jo guzrā arsh se ye na falak kursī hai us aage

kare hai lā-makāñ kī sair āshiq chhoḌ nau-mahlā

thakā āḳhir ko majnūñ ġham se rāh-e-ishq meñ mere

ġhubār-e-ḳhātir o aañsū kī bārish dekh kar chahlā

gulābī la.al kī huī har kalī mai-nosh sun tujh ko

chaman meñ hai khaḌī le jām-e-nīlam nargis-e-shahlā

rakhī hai ham ne baazī zor se shamshīr ke dushman

kiyā chāhe thā sar vāsoḳht ho mujh naqsh se dahlā

tumhāre husn ke gulshan meñ pyāre kuchh na chhoḌūñgā

raqīboñ ke sar uupar chaḌh ke toḌūñgā ye phal pahlā

ye thā 'nājī' ko lāzim ta۔an karnā har suḳhan-go par

javāb is ġhazal kā 'hātim' nahīñ kuchh kaam to kah lā

kashish se dil ki us abru-kaman ko hum rakha bahla

jo kar qabze mein dil sab ka phire tha sab se wo gahla

jo guzra arsh se ye na falak kursi hai us aage

kare hai la-makan ki sair aashiq chhoD nau-mahla

thaka aaKHir ko majnun gham se rah-e-ishq mein mere

ghubar-e-KHatir o aansu ki barish dekh kar chahla

gulabi lal ki hui har kali mai-nosh sun tujh ko

chaman mein hai khaDi le jam-e-nilam nargis-e-shahla

rakhi hai hum ne bazi zor se shamshir ke dushman

kiya chahe tha sar wasoKHt ho mujh naqsh se dahla

tumhaare husn ke gulshan mein pyare kuchh na chhoDunga

raqibon ke sar upar chaDh ke toDunga ye phal pahla

ye tha 'naji' ko lazim ta۔an karna har suKHan-go par

jawab is ghazal ka 'hatim' nahin kuchh kaam to kah la