kashmakash achchhi hai lekin kashmakash paiham na ho

kashmakash achchhī hai lekin kashmakash paiham na ho

ne.amat-e-uzmā sukūñ hai gar sukūñ be-dam na ho

aadmī ke vāste be-kaif ho jaa.e jahāñ

zindagī ke shādiyāne maut kā mātam na ho

haiñ yaqīn-o-be-yaqīnī ke judāgāna maze

qalb meñ un kī bashārat ho magar bāham na ho

terī shaḳhsiyyat hai lā-fānī use rakh barqarār

zaat meñ mahbūb aur murshid kī bhī mudġham na ho

guzre haiñ din aaj tak ik shaan se ik tarz se

merī ḳhuddārī kā yā-rab sar-nigūñ parcham na ho

dastgīr insān kā insān agar hone lage

to amīrī aur muhtāj kā ye aalam na ho

chāhtā hai gar ki kaT jaa.e maze se zindagī

aadmī bātin meñ dāman-gīr-e-besh-o-kam na ho

kashmakash achchhi hai lekin kashmakash paiham na ho

neamat-e-uzma sukun hai gar sukun be-dam na ho

aadmi ke waste be-kaif ho jae jahan

zindagi ke shadiyane maut ka matam na ho

hain yaqin-o-be-yaqini ke judagana maze

qalb mein un ki bashaarat ho magar baham na ho

teri shaKHsiyyat hai la-fani use rakh barqarar

zat mein mahbub aur murshid ki bhi mudgham na ho

guzre hain din aaj tak ek shan se ek tarz se

meri KHuddari ka ya-rab sar-nigun parcham na ho

dastgir insan ka insan agar hone lage

to amiri aur muhtaj ka ye aalam na ho

chahta hai gar ki kaT jae maze se zindagi

aadmi baatin mein daman-gir-e-besh-o-kam na ho