kashtiyan manjdhaar mein hain naKHuda koi nahin

kashtiyāñ mañjdhār meñ haiñ nāḳhudā koī nahīñ

apnī himmat ke alāva aasrā koī nahīñ

manziloñ kī justujū meñ aa ga.e us moḌ par

ab jahāñ se lauTne kā rāsta koī nahīñ

ham ne pūchhā ḳhud ke jaisā kyā kabhī dekhā kahīñ

muskurā kar us ne ham se kah diyā koī nahīñ

zindagī ke is safar meñ tajraba ham ko huā

saath sab haiñ par kabhī pahchāntā koī nahīñ

rafta rafta umr saarī kaT ga.ī apnī yahāñ

ham ko lekin shahr bhar meñ jāntā koī nahīñ

kashtiyan manjdhaar mein hain naKHuda koi nahin

apni himmat ke alawa aasra koi nahin

manzilon ki justuju mein aa gae us moD par

ab jahan se lauTne ka rasta koi nahin

hum ne puchha KHud ke jaisa kya kabhi dekha kahin

muskura kar us ne hum se kah diya koi nahin

zindagi ke is safar mein tajraba hum ko hua

sath sab hain par kabhi pahchanta koi nahin

rafta rafta umr sari kaT gai apni yahan

hum ko lekin shahr bhar mein jaanta koi nahin