kaT gai umr yahi ek tamanna karte

kaT ga.ī umr yahī ek tamannā karte

sāmne baiTh ke ham aap ko dekhā karte

ai junūñ dekh chale jaate haiñ sahrā kī taraf

aql kahtī to abhī baiTh ke sochā karte

yaad aa aa ke koī zaḳhm lagā jaatā hai

varna is kūche se ham roz hī guzrā karte

sar pe hai ġham kī kaḌī dhuup kahāñ haiñ ahbāb

kaash do bol se hamdardī ke saayā karte

vaj.h-e-taskīn-e-dil-o-rāhat-e-jāñ kuchh bhī nahīñ

zindagī tere liye kis kā bahānā karte

vaqt saa.e kī tarah bhaag rahā hai yaaro

umr guzrī hai isī tarah se pīchhā karte

'barq'-sāhab ne na dekhā tujhe ai barq-jamāl

shahr meñ jā ke tire husn kā charchā karte

kaT gai umr yahi ek tamanna karte

samne baiTh ke hum aap ko dekha karte

ai junun dekh chale jate hain sahra ki taraf

aql kahti to abhi baiTh ke socha karte

yaad aa aa ke koi zaKHm laga jata hai

warna is kuche se hum roz hi guzra karte

sar pe hai gham ki kaDi dhup kahan hain ahbab

kash do bol se hamdardi ke saya karte

wajh-e-taskin-e-dil-o-rahat-e-jaan kuchh bhi nahin

zindagi tere liye kis ka bahana karte

waqt sae ki tarah bhag raha hai yaro

umr guzri hai isi tarah se pichha karte

'barq'-sahab ne na dekha tujhe ai barq-jamal

shahr mein ja ke tere husn ka charcha karte