kaT gai zindagi tazabzub mein
kaT ga.ī zindagī tazabzub meñ
kuchh agar kuchh magar ke biich kahīñ
na musalmāñ hue na kufr kiyā
rah ga.e ḳhair-o-shar ke biich kahīñ
dar kahāñ hai kahāñ haiñ dīvāreñ
kho ga.e apne ghar ke biich kahīñ
baat bāhar nikal hī jaatī hai
koī rauzan hai dar ke biich kahīñ
mujh ko manzil se duur karte ga.e
na.e raste safar ke biich kahīñ
siip tak rāsta banā legā
ek qatra lahar ke biich kahīñ
un kā ghar yaad hai to bas itnā
ik galī hai shahar ke biich kahīñ
har kahānī meñ ik kahānī hai
ik ḳhabar hai ḳhabar ke biich kahīñ
kaT gai zindagi tazabzub mein
kuchh agar kuchh magar ke bich kahin
na musalman hue na kufr kiya
rah gae KHair-o-shar ke bich kahin
dar kahan hai kahan hain diwaren
kho gae apne ghar ke bich kahin
baat bahar nikal hi jati hai
koi rauzan hai dar ke bich kahin
mujh ko manzil se dur karte gae
nae raste safar ke bich kahin
sip tak rasta bana lega
ek qatra lahar ke bich kahin
un ka ghar yaad hai to bas itna
ek gali hai shahar ke bich kahin
har kahani mein ek kahani hai
ek KHabar hai KHabar ke bich kahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.