kaTi hai umr yahan ek ghar banane mein
kaTī hai umr yahāñ ek ghar banāne meñ
hayā na aa.ī tumheñ bastiyāñ jalāne meñ
banā diyā thā jahāñ ko ḳhudā ne kun kah kar
karoḌoñ saal lage haiñ ise basāne meñ
fareb de ke tumheñ kyā sukūn miltā hai
hameñ to lutf milā hai fareb khāne meñ
atā ho daulat-e-īmāñ hameñ bhī be-pāyāñ
kamī nahīñ hai ḳhudāyā tire ḳhazāne meñ
havā ke madd-e-muqābil charāġh rakh denā
mizāj-e-ishq rahā hai ye har zamāne meñ
'atīq' ye hī duā hai ki rahtī duniyā tak
charāg-e-ilm ho raushan ġharīb-ḳhāne meñ
kaTi hai umr yahan ek ghar banane mein
haya na aai tumhein bastiyan jalane mein
bana diya tha jahan ko KHuda ne kun kah kar
karoDon sal lage hain ise basane mein
fareb de ke tumhein kya sukun milta hai
hamein to lutf mila hai fareb khane mein
ata ho daulat-e-iman hamein bhi be-payan
kami nahin hai KHudaya tere KHazane mein
hawa ke madd-e-muqabil charagh rakh dena
mizaj-e-ishq raha hai ye har zamane mein
'atiq' ye hi dua hai ki rahti duniya tak
charag-e-ilm ho raushan gharib-KHane mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
