kaTta hi nahin jaane mera kaisa safar hai

kaTtā hī nahīñ jaane mirā kaisā safar hai

lagtā hai mirā ret ke sahrāoñ meñ ghar hai

tanhā to kabhī mujh ko vo rahne nahīñ detā

maiñ kuchh bhī karūñ us ko to har aan ḳhabar hai

har shaḳhs ko mil jaatā hai paisoñ se yahāñ pyaar

kaise yahāñ insān haiñ kaisā ye nagar hai

ik shaḳhs yahāñ shab meñ jalātā hai gharoñ ko

phir sab ko batātā hai ki dekho ye sahar hai

ye jaan lo kuchh mujh se kabhī jhuuT na kahnā

ai yaar mire ḳhauf-e-ḳhudā tum ko agar hai

zāhir jo na kar phir bhī hameñ kuchh to batā de

ḳhvāboñ meñ tire kaun hai ye kis kā asar hai

kal raat mire ḳhvāb koī le gayā 'minhāj'

ab niiñd hai āñkhoñ meñ na tanhā.ī kā Dar hai

kaTta hi nahin jaane mera kaisa safar hai

lagta hai mera ret ke sahraon mein ghar hai

tanha to kabhi mujh ko wo rahne nahin deta

main kuchh bhi karun us ko to har aan KHabar hai

har shaKHs ko mil jata hai paison se yahan pyar

kaise yahan insan hain kaisa ye nagar hai

ek shaKHs yahan shab mein jalata hai gharon ko

phir sab ko batata hai ki dekho ye sahar hai

ye jaan lo kuchh mujh se kabhi jhuT na kahna

ai yar mere KHauf-e-KHuda tum ko agar hai

zahir jo na kar phir bhi hamein kuchh to bata de

KHwabon mein tere kaun hai ye kis ka asar hai

kal raat mere KHwab koi le gaya 'minhaj'

ab nind hai aankhon mein na tanhai ka Dar hai