kaTte hi Dor sans ki nam-o-numud KHak

kaTte hī Dor saañs kī nām-o-numūd ḳhaak

honā hai ek roz ye qasr-e-vajūd ḳhaak

TuuTā kisī kā dil jo girā dūsrī taraf

mīzān meñ paḌā tirā raḳht-e-sujūd ḳhaak

tajsīm kar rahā hai vo dast-e-kamāl se

ātish-parast dahriye muslim hunūd ḳhaak

is mahfil-e-tarab meñ nahīñ chāshnī koī

dil meñ ramaq na ho agar bazm-e-surūd ḳhaak

baḌhne lage haiñ chār-sū rasmoñ ke dā.ere

Thokar lagā ke paañv kī kar duuñ quyūd ḳhaak

ye qaum un hī rāstoñ pe chal paḌī hai phir

jin par huiiñ thiiñ ek din ād-o-samūd ḳhaak

siine meñ koī aag hai 'arshad' lagī huī

varna hamārī aañkh se uThtā ye duud ḳhaak

kaTte hi Dor sans ki nam-o-numud KHak

hona hai ek roz ye qasr-e-wajud KHak

TuTa kisi ka dil jo gira dusri taraf

mizan mein paDa tera raKHt-e-sujud KHak

tajsim kar raha hai wo dast-e-kamal se

aatish-parast dahriye muslim hunud KHak

is mahfil-e-tarab mein nahin chashni koi

dil mein ramaq na ho agar bazm-e-surud KHak

baDhne lage hain chaar-su rasmon ke daere

Thokar laga ke panw ki kar dun quyud KHak

ye qaum un hi raston pe chal paDi hai phir

jin par huin thin ek din aad-o-samud KHak

sine mein koi aag hai 'arshad' lagi hui

warna hamari aankh se uThta ye dud KHak