kaun dekhega zamane inqilab-e-naz ke

kaun dekhegā zamāne inqilāb-e-nāz ke

bhuul baiThe haiñ vo vaade ishq ke āġhāz ke

hote haiñ tīr-e-sitam sar chāhne vāloñ pe ab

ye na.e andāz dekhe ġhamza-o-ġhammāz ke

mere āh-o-nāle ko zālim samajh nādāñ na ban

saaz ke naġhme nahīñ ye haiñ shikast-e-sāz ke

bāl-o-par ab tak bañdhe haiñ huuñ muqayyad tā-hanūz

hukm sādir ho chuke haiñ go merī parvāz ke

ishq-e-dīñ hubb-e-vatan zauq-e-amal pās-e-vafā

jauhar-e-insāniyat haiñ ye kisī dam-sāz ke

is ḳharāb-ābād kī tanzīm kuchh āsāñ na thī

mo.ajize haiñ ye masīhā-dam tere andāz ke

sāz-e-hastī terī ik āvāz se thā naġhma-kār

muntazir dīvāne dil haiñ dūsrī āvāz ke

chaar kaliyoñ ke sahāre hai gulistāñ kā qayām

zāhiran jo gul haiñ varna ḳhaar haiñ e.ajāz ke

go ġhanīmat panja-e-aġhyār ke chhuTnā sahī

kyuuñ magar ham said hoñ chashm-e-zamāna-sāz ke

inqalāb ik apne haq meñ aur bhī aane ko hai

ye ma.ānī haiñ haqīqat meñ navā-e-rāz ke

zulm par tum zulm Dhaao ham na khīñcheñ aah tak

vaah kyā kahiye tumhāre ishva-o-andāz ke

hind meñ qaa.em rahe daa.im bahār-e-be-ḳhizāñ

ye duā lab par ho har 'gulzār' ke dam-sāz ke

kaun dekhega zamane inqilab-e-naz ke

bhul baiThe hain wo wade ishq ke aaghaz ke

hote hain tir-e-sitam sar chahne walon pe ab

ye nae andaz dekhe ghamza-o-ghammaz ke

mere aah-o-nale ko zalim samajh nadan na ban

saz ke naghme nahin ye hain shikast-e-saz ke

baal-o-par ab tak bandhe hain hun muqayyad ta-hanuz

hukm sadir ho chuke hain go meri parwaz ke

ishq-e-din hubb-e-watan zauq-e-amal pas-e-wafa

jauhar-e-insaniyat hain ye kisi dam-saz ke

is KHarab-abaad ki tanzim kuchh aasan na thi

moajize hain ye masiha-dam tere andaz ke

saz-e-hasti teri ek aawaz se tha naghma-kar

muntazir diwane dil hain dusri aawaz ke

chaar kaliyon ke sahaare hai gulistan ka qayam

zahiran jo gul hain warna KHar hain eajaz ke

go ghanimat panja-e-aghyar ke chhuTna sahi

kyun magar hum said hon chashm-e-zamana-saz ke

inqalab ek apne haq mein aur bhi aane ko hai

ye maani hain haqiqat mein nawa-e-raaz ke

zulm par tum zulm Dhao hum na khinchen aah tak

wah kya kahiye tumhaare ishwa-o-andaz ke

hind mein qaem rahe daim bahaar-e-be-KHizan

ye dua lab par ho har 'gulzar' ke dam-saz ke