kaun hai rahbar kaun hai rahzan main bhi sochun tu bhi soch

kaun hai rahbar kaun hai rahzan maiñ bhī sochūñ tū bhī soch

chaak kiyā hai kis ne dāman maiñ bhī sochūñ tū bhī soch

laḌte kyoñ haiñ shaiḳh-o-barahman maiñ bhī sochūñ tū bhī soch

kaise ho mazbūt ye bandhan maiñ bhī sochūñ tū bhī soch

ek hī baaġh ke phuul haiñ jab ham phir ye kis kī sāzish se

zad meñ ḳhizāñ kī hai ye gulshan maiñ bhī sochūñ tū bhī soch

dil kī baat jo pūchho ham se sab kursī ke jhagḌe haiñ

kaise ho ab duur ye uljhan maiñ bhī sochūñ tū bhī soch

phuul hī phuul the jab hāthoñ meñ phir kis haath ke patthar ne

chuur kiyā hai dil kā darpan maiñ bhī sochūñ to bhī soch

dekh ke apne desh kī hālat ḳhuun ke aañsū rote haiñ

tez huī kyoñ dil kī dhaḌkan maiñ bhī sochūñ tū bhī soch

'shauq' saverā kab āye.gā kaise mil kar log raheñ

aslam david devkī nandan maiñ bhī sochūñ tū bhī soch

kaun hai rahbar kaun hai rahzan main bhi sochun tu bhi soch

chaak kiya hai kis ne daman main bhi sochun tu bhi soch

laDte kyon hain shaiKH-o-barahman main bhi sochun tu bhi soch

kaise ho mazbut ye bandhan main bhi sochun tu bhi soch

ek hi bagh ke phul hain jab hum phir ye kis ki sazish se

zad mein KHizan ki hai ye gulshan main bhi sochun tu bhi soch

dil ki baat jo puchho hum se sab kursi ke jhagDe hain

kaise ho ab dur ye uljhan main bhi sochun tu bhi soch

phul hi phul the jab hathon mein phir kis hath ke patthar ne

chur kiya hai dil ka darpan main bhi sochun to bhi soch

dekh ke apne desh ki haalat KHun ke aansu rote hain

tez hui kyon dil ki dhaDkan main bhi sochun tu bhi soch

'shauq' sawera kab aayega kaise mil kar log rahen

aslam dawid dewki nandan main bhi sochun tu bhi soch