kaun itna kahe qatil se ki isa ho ja

kaun itnā kahe qātil se ki 'iisā ho jā

ho ke maslūb tū aflāk se ūñchā ho jā

chārāgar koī kahāñ kartā hai chārasāzī

ai mire zaḳhm-e-jigar aap hī achchhā ho jā

aaj be-mehr zamāne meñ baḌī baat hai ye

ġham ke māroñ ke liye ek dilāsā ho jā

zindagī chain se apnī jo basar karnī hai

chhoḌ de sab ko mirī jaan akelā ho jā

jitnī bhī aag vo barsā.e magar maiñ 'ḳhālid'

kaise suraj se ye kah duuñ ki tū ThanDā ho jā

kaun itna kahe qatil se ki 'isa ho ja

ho ke maslub tu aflak se uncha ho ja

chaaragar koi kahan karta hai chaarasazi

ai mere zaKHm-e-jigar aap hi achchha ho ja

aaj be-mehr zamane mein baDi baat hai ye

gham ke maron ke liye ek dilasa ho ja

zindagi chain se apni jo basar karni hai

chhoD de sab ko meri jaan akela ho ja

jitni bhi aag wo barsae magar main 'KHalid'

kaise suraj se ye kah dun ki tu ThanDa ho ja