kaun jaane hoga kya ye majra hone ke baad

kaun jaane hogā kyā ye mājrā hone ke baa'd

jism phīkā paḌ gayā rang-e-qabā hone ke baa'd

aql kī harza-sarā.ī zehn kī āvārgī

mujh ko sab kuchh mil gayā tujh se judā hone ke baa'd

shukr hai fāriġh hue de kar hisāb-e-zindagī

ek aañsū bach rahā sab kuchh adā hone ke baa'd

saarī ḳhushiyāñ kaisī be-tābī se ruḳhsat ho ga.iiñ

log masjid se uTheñ jaise duā hone ke baa'd

shola-e-javvāla jab tak the to the ātish-mizāj

ḳhunkī-e-ahl-e-vafā ab haiñ 'sabā' hone ke baa'd

kaun jaane hoga kya ye majra hone ke ba'd

jism phika paD gaya rang-e-qaba hone ke ba'd

aql ki harza-sarai zehn ki aawargi

mujh ko sab kuchh mil gaya tujh se juda hone ke ba'd

shukr hai farigh hue de kar hisab-e-zindagi

ek aansu bach raha sab kuchh ada hone ke ba'd

sari KHushiyan kaisi be-tabi se ruKHsat ho gain

log masjid se uThen jaise dua hone ke ba'd

shola-e-jawwala jab tak the to the aatish-mizaj

KHunki-e-ahl-e-wafa ab hain 'saba' hone ke ba'd