kaun kis ka azab hota hai

kaun kis kā 'azāb hotā hai

sab kā apnā hisāb hotā hai

rog lagtā hai jin ke siine ko

un kā aañsū gulāb hotā hai

tum ne rokā ho jis qadar us ko

'ishq to be-hisāb hotā hai

husn chhuptā nahīñ chhupāne se

kuchh to lāzim hijāb hotā hai

jo samajhte nahīñ mirī manshā

bas unheñ ijtināb hotā hai

ham ġhalat haiñ ġhalat hī rahne do

kaun behtar janāb hotā hai

niiñd aatī nahīñ kabhī un ko

jin kī āñkhoñ meñ ḳhvāb hotā hai

hashr apnā bigāḌ lete haiñ

tab vo hāsil ḳhitāb hotā hai

ab to hālāt dekh kar mujh ko

dard bhī be-hisāb hotā hai

bol paatā nahīñ jo bātoñ se

us kā chehra kitāb hotā hai

jo kisī ko nahīñ huā hāsil

vo mirā intiḳhāb hotā hai

dil usī zad meñ qaid rahtā hai

jo nahīñ dastyāb hotā hai

dil ko samjhā liyā magar phir bhī

kyoñ mujhe iztirāb hotā hai

sach to mā'lūm bhī nahīñ paḌtā

har kisī par naqāb hotā hai

vaqt de kar 'umūd' dekho nā

kaun ḳhud be-naqāb hotā hai

kaun kis ka 'azab hota hai

sab ka apna hisab hota hai

rog lagta hai jin ke sine ko

un ka aansu gulab hota hai

tum ne roka ho jis qadar us ko

'ishq to be-hisab hota hai

husn chhupta nahin chhupane se

kuchh to lazim hijab hota hai

jo samajhte nahin meri mansha

bas unhen ijtinab hota hai

hum ghalat hain ghalat hi rahne do

kaun behtar janab hota hai

nind aati nahin kabhi un ko

jin ki aankhon mein KHwab hota hai

hashr apna bigaD lete hain

tab wo hasil KHitab hota hai

ab to haalat dekh kar mujh ko

dard bhi be-hisab hota hai

bol pata nahin jo baaton se

us ka chehra kitab hota hai

jo kisi ko nahin hua hasil

wo mera intiKHab hota hai

dil usi zad mein qaid rahta hai

jo nahin dastyab hota hai

dil ko samjha liya magar phir bhi

kyon mujhe iztirab hota hai

sach to ma'lum bhi nahin paDta

har kisi par naqab hota hai

waqt de kar 'umud' dekho na

kaun KHud be-naqab hota hai