kaun mil jae sar-e-rahguzar kis ko KHabar

kaun mil jaa.e sar-e-rāhguzar kis ko ḳhabar

kis ke hamrāh kaTe kis kā safar kis ko ḳhabar

is qadar qurbateñ achchhī nahīñ ai sham' samajh

kab badal jaa.e havāoñ kī nazar kis ko ḳhabar

tū ne siine se jinheñ aaj lagā rakkhā hai

dil se vo log hī jaa.eñ na utar kis ko ḳhabar

hai abhī zauq-e-nazar saare nazāre chun lo

kal rahe yā na rahe kār-e-hunar kis ko ḳhabar

soch kar yaar kisī ko bhī nasīhat karnā

kaun sī baat kare kaisā asar kis ko ḳhabar

ye jo tāqoñ pe diye tā-ba-sahar jalte haiñ

kin añdheroñ se huā un kā guzar kis ko ḳhabar

ḳhvāb āñkhoñ meñ phir is Dar se sajā.e na ga.e

Tuut jaa.eñ ye kahīñ bār-e-digar kis ko ḳhabar

kaun mil jae sar-e-rahguzar kis ko KHabar

kis ke hamrah kaTe kis ka safar kis ko KHabar

is qadar qurbaten achchhi nahin ai sham' samajh

kab badal jae hawaon ki nazar kis ko KHabar

tu ne sine se jinhen aaj laga rakkha hai

dil se wo log hi jaen na utar kis ko KHabar

hai abhi zauq-e-nazar sare nazare chun lo

kal rahe ya na rahe kar-e-hunar kis ko KHabar

soch kar yar kisi ko bhi nasihat karna

kaun si baat kare kaisa asar kis ko KHabar

ye jo taqon pe diye ta-ba-sahar jalte hain

kin andheron se hua un ka guzar kis ko KHabar

KHwab aankhon mein phir is Dar se sajae na gae

Tut jaen ye kahin bar-e-digar kis ko KHabar