kaun nazren gaDae chilman mein

kaun nazreñ gaḌā.e chilman meñ

sab kī dilchaspiyāñ haiñ rauzan meñ

jaane kyā chal rahā hai is man meñ

sar phaTā jā rahā hai uljhan meñ

zindagī sāzgār hai aise

jaise sūkhā paḌā ho sāvan meñ

mujh se pūchhe baġhair hotā hai

jo bhī hotā hai mere jīvan meñ

kitnī sadiyoñ se jī rahe haiñ log

rahnumāoñ ke āshvāsan meñ

vo na.ī fasl kyā ugā.eñge

rizq jo DhūñDte haiñ jūThan meñ

kaun sattā se ab savāl kare

log bikte haiñ muft rāshan meñ

'ahd-e-hāzir ko bhuul kar shā'ir

ab bhī uljhā huā hai chilman meñ

kitnī sanjīdgī se luuñ ḳhud ko

maiñ jo huuñ ek aaTh billion meñ

kaun nazren gaDae chilman mein

sab ki dilchaspiyan hain rauzan mein

jaane kya chal raha hai is man mein

sar phaTa ja raha hai uljhan mein

zindagi sazgar hai aise

jaise sukha paDa ho sawan mein

mujh se puchhe baghair hota hai

jo bhi hota hai mere jiwan mein

kitni sadiyon se ji rahe hain log

rahnumaon ke aashwasan mein

wo nai fasl kya ugaenge

rizq jo DhunDte hain juThan mein

kaun satta se ab sawal kare

log bikte hain muft rashan mein

'ahd-e-hazir ko bhul kar sha'ir

ab bhi uljha hua hai chilman mein

kitni sanjidgi se lun KHud ko

main jo hun ek aaTh billion mein