kaun-o-makan se dur zamin-o-zaman se dur

kaun-o-makāñ se duur zamīn-o-zaman se duur

manzil mirī hai jannat-o-ḳhuld-o-adan se duur

tā-umr jis kā jism rahā pairahan se duur

nauhagar us kī laash bhī rakkheñ kafan se duur

pal chhan nikal rahī haiñ ġharīboñ kī arthiyāñ

is taur ho rahī hai ġharībī vatan se duur

āñkheñ baras rahī haiñ chaman kī hudūd meñ

bādal baras rahe haiñ hudūd-e-chaman se duur

koī yahāñ to koī vahāñ sirf kār-e-ḳhvesh

gulchīñ darūn-e-bāġh shikārī chaman se duur

jāñbāz hai to bhaag ke dār-o-rasan ko chuum

mansūr hai to bhaag na dār-o-rasan se duur

āb-e-hayāt se bhī na hogā ilāj-e-ġham

hoñge ye taaza ġham na sharāb-e-kuhan se duur

kaun-o-makan se dur zamin-o-zaman se dur

manzil meri hai jannat-o-KHuld-o-adan se dur

ta-umr jis ka jism raha pairahan se dur

nauhagar us ki lash bhi rakkhen kafan se dur

pal chhan nikal rahi hain gharibon ki arthiyan

is taur ho rahi hai gharibi watan se dur

aankhen baras rahi hain chaman ki hudud mein

baadal baras rahe hain hudud-e-chaman se dur

koi yahan to koi wahan sirf kar-e-KHwesh

gulchin darun-e-bagh shikari chaman se dur

jaanbaz hai to bhag ke dar-o-rasan ko chum

mansur hai to bhag na dar-o-rasan se dur

aab-e-hayat se bhi na hoga ilaj-e-gham

honge ye taza gham na sharab-e-kuhan se dur