kaun sa dil hai jo shikar nahin

kaun sā dil hai jo shikār nahīñ

ai sitamgar tirā shumār nahīñ

shauq ko ab bhī e.atibār nahīñ

dāman-e-shauq taar taar nahīñ

husn jab husn hai ki vaar kare

vaar ḳhālī rahe to vaar nahīñ

tujh se kyā iḳhtiyār kī ummīd

dil kā jab dil pe iḳhtiyār nahīñ

tujh se māyūs kyā ho koī sabā

dil ke mausam pe iḳhtiyār nahīñ

jhilmilāne lagī umiid kī lau

intizār aur intizār nahīñ

kar de maddham ummīd kī sham.eñ

be-qarāroñ ko ab qarār nahīñ

us ne mashq-e-sitam se kī tauba

ab ye rishta bhī ustuvār nahīñ

zaḳhm-e-gul se udaas hai mausam

in bahāroñ pe ab bahār nahīñ

yaad un kī 'fahīm' kam aa.ī

aaj kuchh dil bhī sogvār nahīñ

kaun sa dil hai jo shikar nahin

ai sitamgar tera shumar nahin

shauq ko ab bhi eatibar nahin

daman-e-shauq tar tar nahin

husn jab husn hai ki war kare

war KHali rahe to war nahin

tujh se kya iKHtiyar ki ummid

dil ka jab dil pe iKHtiyar nahin

tujh se mayus kya ho koi saba

dil ke mausam pe iKHtiyar nahin

jhilmilane lagi umid ki lau

intizar aur intizar nahin

kar de maddham ummid ki shamen

be-qararon ko ab qarar nahin

us ne mashq-e-sitam se ki tauba

ab ye rishta bhi ustuwar nahin

zaKHm-e-gul se udas hai mausam

in bahaaron pe ab bahaar nahin

yaad un ki 'fahim' kam aai

aaj kuchh dil bhi sogwar nahin