kaun si jae hai ki jis ja pe tera nur nahin

kaun sī jaa.e hai ki jis jā pe tirā nuur nahīñ

par in āñkhoñ se tujhe dekhnā dastūr nahīñ

parda-e-hastī se apne maiñ huā huuñ mahjūr

dar nahīñ miltā tirā mujh se tū kuchh duur nahīñ

shakl-e-raushan ko chhupāte to kahāñ chhuptī hai

sham.a fānūs meñ hai nuur to mastūr nahīñ

haq to kahtā huuñ anal-haq kī sadā kyā bolūñ

vo zamāna bhī nahīñ aur vo mansūr nahīñ

jazba-e-shauq se 'ḳhāmosh' kabhū rotā hai

ġham se mahjūrī ke dil to mirā ranjūr nahīñ

kaun si jae hai ki jis ja pe tera nur nahin

par in aankhon se tujhe dekhna dastur nahin

parda-e-hasti se apne main hua hun mahjur

dar nahin milta tera mujh se tu kuchh dur nahin

shakl-e-raushan ko chhupate to kahan chhupti hai

shama fanus mein hai nur to mastur nahin

haq to kahta hun anal-haq ki sada kya bolun

wo zamana bhi nahin aur wo mansur nahin

jazba-e-shauq se 'KHamosh' kabhu rota hai

gham se mahjuri ke dil to mera ranjur nahin