kaun si manzil hai jo be-KHwab aankhon mein nahin

kaun sī manzil hai jo be-ḳhvāb āñkhoñ meñ nahīñ

ek sūraj DhūñDhtā huuñ jo ki sapnoñ meñ nahīñ

dekhtā rahtā huuñ miTte shahr ke naqsh-o-nigār

aañkh meñ vo sūrateñ bhī haiñ ki galiyoñ meñ nahīñ

mausamoñ kā ruḳh udhar ko hai havāoñ kā idhar

jañgaloñ meñ baat koī hai ki shahroñ meñ nahīñ

piilī piilī titliyāñ haiñ aur mahrūmī kā raqs

kaun sā vo zā.iqa hogā ki phūloñ meñ nahīñ

yuuñ to har jānib khaḌe haiñ ye qatār-andar-qatār

ek ThanDak hai ki in peḌoñ ke sāyoñ meñ nahīñ

chāñd tāroñ kī ziyā.eñ kahkashāoñ ke hujūm

kaun sā vo āsmāñ hai jo zamīnoñ meñ nahīñ

kaun si manzil hai jo be-KHwab aankhon mein nahin

ek suraj DhunDhta hun jo ki sapnon mein nahin

dekhta rahta hun miTte shahr ke naqsh-o-nigar

aankh mein wo suraten bhi hain ki galiyon mein nahin

mausamon ka ruKH udhar ko hai hawaon ka idhar

jangalon mein baat koi hai ki shahron mein nahin

pili pili titliyan hain aur mahrumi ka raqs

kaun sa wo zaiqa hoga ki phulon mein nahin

yun to har jaanib khaDe hain ye qatar-andar-qatar

ek ThanDak hai ki in peDon ke sayon mein nahin

chand taron ki ziyaen kahkashaon ke hujum

kaun sa wo aasman hai jo zaminon mein nahin