kaun tha jo dast-e-qatil ke liye tayyar tha

kaun thā jo dast-e-qātil ke liye tayyār thā

ek maiñ hī bazm-e-ahl-e-ḳhvāb meñ bedār thā

bhar liye haiñ tīrgī se ghar kī dīvāroñ ke ghaav

kyā nayā sūraj hamāre vāste āzād thā

ḳhushk nahroñ se sadā-e-tishnagī aatī rahī

aur samundar mauj-e-be-āvāz se sarshār thā

aa rahe the mausamoñ ke naam phūloñ ke payām

tum na the to mausam-e-gul bhī nigah meñ ḳhaar thā

de diyā ghar ke charāġhoñ ko havā kī god meñ

log kahte the ki ik saaya pas-e-dīvār thā

ab bhī yuuñ lagtā hai jaise har ḳhabar ho aaj kī

is liye barsoñ purānā mez par aḳhbār thā

kaun tha jo dast-e-qatil ke liye tayyar tha

ek main hi bazm-e-ahl-e-KHwab mein bedar tha

bhar liye hain tirgi se ghar ki diwaron ke ghaw

kya naya suraj hamare waste aazad tha

KHushk nahron se sada-e-tishnagi aati rahi

aur samundar mauj-e-be-awaz se sarshaar tha

aa rahe the mausamon ke nam phulon ke payam

tum na the to mausam-e-gul bhi nigah mein KHar tha

de diya ghar ke charaghon ko hawa ki god mein

log kahte the ki ek saya pas-e-diwar tha

ab bhi yun lagta hai jaise har KHabar ho aaj ki

is liye barson purana mez par aKHbar tha