KHak ho jaana hai ek din kise inkar kabhi

ḳhaak ho jaanā hai ik din kise inkār kabhī

zindagī phir bhī nahīñ mūjib-e-āzār kabhī

vaqt kī qaid se hai māvarā fan kī duniyā

mujh ko marne nahīñ deñge mire ash.ār kabhī

chain se jiine kī taufīq jise mil jaa.e

kab vo paḌhtā hai miyāñ bhūle se aḳhbār kabhī

ab to bas uḌtī haiñ a.amāl-e-ḳhirad kī chīleñ

ab kisī sar pe laTaktī nahīñ talvār kabhī

justujū-kesh junūñ ke liye ai shaiḳh-e-haram

chāhtā kyā hai ḳhudā kab hai ye asrār kabhī

do alag chīzeñ haiñ ta.amīr ki taqsīm 'āsim'

ek sī uThtī nahīñ donoñ kī dīvār kabhī

KHak ho jaana hai ek din kise inkar kabhi

zindagi phir bhi nahin mujib-e-azar kabhi

waqt ki qaid se hai mawara fan ki duniya

mujh ko marne nahin denge mere ashaar kabhi

chain se jine ki taufiq jise mil jae

kab wo paDhta hai miyan bhule se aKHbar kabhi

ab to bas uDti hain aamal-e-KHirad ki chilen

ab kisi sar pe laTakti nahin talwar kabhi

justuju-kesh junun ke liye ai shaiKH-e-haram

chahta kya hai KHuda kab hai ye asrar kabhi

do alag chizen hain tamir ki taqsim 'asim'

ek si uThti nahin donon ki diwar kabhi