KHak hoti hui lahron ki ham-aghoshi mein
ḳhaak hotī huī lahroñ kī ham-āġhoshī meñ
Dūbtā jaatā huuñ dariyā-e-farāmoshī meñ
kabhī sannāTe kī tasvīr kabhī chaap kā 'aks
kitne manzar nazar aa.e hama-tan-goshī meñ
terī āñkheñ haiñ nihāñ mere ḳhad-o-ḳhāl ke saath
terī āvāz chhupī hai mirī ḳhāmoshī meñ
Dhāñp saktā thā maiñ siine kā kuaañ bhī lekin
ḳharch hotā rahā āñkhoñ kī ḳhalā-poshī meñ
chuTkiyāñ kāTtī hai ruuh badan meñ 'shāriq'
chīḳhtā hai koī saaya kabhī sargoshī meñ
KHak hoti hui lahron ki ham-aghoshi mein
Dubta jata hun dariya-e-faramoshi mein
kabhi sannaTe ki taswir kabhi chap ka 'aks
kitne manzar nazar aae hama-tan-goshi mein
teri aankhen hain nihan mere KHad-o-KHal ke sath
teri aawaz chhupi hai meri KHamoshi mein
Dhanp sakta tha main sine ka kuan bhi lekin
KHarch hota raha aankhon ki KHala-poshi mein
chuTkiyan kaTti hai ruh badan mein 'shaariq'
chiKHta hai koi saya kabhi sargoshi mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
