KHak mein milti hain kaise bastiyan malum ho

ḳhaak meñ miltī haiñ kaise bastiyāñ mālūm ho

aane vāloñ ko hamārī dāstāñ mālūm ho

jo idhar kā ab nahīñ hai vo kidhar kā ho gayā

jo yahāñ mādūm ho jaa.e kahāñ mālūm ho

marhala tasḳhīr karne kā ise āsān hai

gar tujhe apnā badan saarā jahāñ mālūm ho

jo alag ho kar chale sab ghūmte haiñ us ke gird

yuuñ judā ho kar guzar ki darmiyāñ mālūm ho

kitnī majbūrī hai lā-mahdūd aur mahdūd kī

be-karāñ jab ho sakeñ tab be-karāñ mālūm ho

ek dam ho raushnī to kyā nazar aa.e 'malāl'

kyā samajh pā.ūñ jo sab kuchh nā-gahāñ mālūm ho

KHak mein milti hain kaise bastiyan malum ho

aane walon ko hamari dastan malum ho

jo idhar ka ab nahin hai wo kidhar ka ho gaya

jo yahan madum ho jae kahan malum ho

marhala tasKHir karne ka ise aasan hai

gar tujhe apna badan sara jahan malum ho

jo alag ho kar chale sab ghumte hain us ke gird

yun juda ho kar guzar ki darmiyan malum ho

kitni majburi hai la-mahdud aur mahdud ki

be-karan jab ho saken tab be-karan malum ho

ek dam ho raushni to kya nazar aae 'malal'

kya samajh paun jo sab kuchh na-gahan malum ho