KHak un galiyon ki palkon se bahut chhani thi

ḳhaak un galiyoñ kī palkoñ se bahut chhānī thī

phir bhī sūrat mirī is shahr meñ an-jānī thī

ham bhī kuchh apnī vafāoñ pe hue the nādim

un ko bhī tark-e-ta.alluq pe pashemānī thī

ḳhud-farebī to alag baat hai varna ham ne

apnī sūrat kahāñ ā.īne meñ pahchānī thī

zindagī sañg banī thī tujhe ruḳhsat kar ke

dil na dhaḌkā thā to marne meñ bhī āsānī thī

hādisa saḳht thā jāñkāh thā ab ke yaaro

varna ham ne to kabhī haar nahīñ maanī thī

rah ga.ī raah meñ yuuñ sharm-e-shikasta-pā.ī

kyā Thaharte kahīñ vo be-sar-o-sāmānī thī

nā-rasā.ī koī kis aañkh se dekhe apnī

ham bhī TuuTe hue par, raat bhī tūfānī thī

gul huī sham' to dāman bhaḌak uTThā 'hashamī'

jab nazar bujh ga.ī vīrānī hī vīrānī thī

KHak un galiyon ki palkon se bahut chhani thi

phir bhi surat meri is shahr mein an-jaani thi

hum bhi kuchh apni wafaon pe hue the nadim

un ko bhi tark-e-talluq pe pashemani thi

KHud-farebi to alag baat hai warna hum ne

apni surat kahan aaine mein pahchani thi

zindagi sang bani thi tujhe ruKHsat kar ke

dil na dhaDka tha to marne mein bhi aasani thi

hadisa saKHt tha jaankah tha ab ke yaro

warna hum ne to kabhi haar nahin mani thi

rah gai rah mein yun sharm-e-shikasta-pai

kya Thaharte kahin wo be-sar-o-samani thi

na-rasai koi kis aankh se dekhe apni

hum bhi TuTe hue par, raat bhi tufani thi

gul hui sham' to daman bhaDak uTTha 'hashami'

jab nazar bujh gai virani hi virani thi