Khaali hai talab-garon se bazar-e-tamanna

ḳhālī hai talab-gāroñ se bāzār-e-tamannā

aatā hī nahīñ koī ḳharīdār-e-tamannā

har chand ki rahtā hai vo bezār-e-tamannā

dāman meñ sameTe hai magar ḳhār-e-tamannā

sab apnī ḳhamoshī kā lahū chaaT rahe haiñ

kartā hī nahīñ ab koī iz.hār-e-tamannā

is qasr-e-havas se koī bāhar nahīñ aatā

kahne ko to har shaḳhs hai bezār-e-tamannā

paivand-e-zamīñ kar na sakā sail-e-balā bhī

hai sar-ba-falak aaj bhī dīvār-e-tamannā

koī bhī nahīñ kam hai kisī se yahāñ 'aḳhtar'

har shaḳhs hai is shahr meñ shahkār-e-tamannā

KHali hai talab-garon se bazar-e-tamanna

aata hi nahin koi KHaridar-e-tamanna

har chand ki rahta hai wo bezar-e-tamanna

daman mein sameTe hai magar KHar-e-tamanna

sab apni KHamoshi ka lahu chaT rahe hain

karta hi nahin ab koi izhaar-e-tamanna

is qasr-e-hawas se koi bahar nahin aata

kahne ko to har shaKHs hai bezar-e-tamanna

paiwand-e-zamin kar na saka sail-e-bala bhi

hai sar-ba-falak aaj bhi diwar-e-tamanna

koi bhi nahin kam hai kisi se yahan 'aKHtar'

har shaKHs hai is shahr mein shahkar-e-tamanna