Khaali sharab-e-ishq se saghar kabhi na the

ḳhālī sharāb-e-ishq se sāġhar kabhī na the

aise to ḳhushk dil ke samundar kabhī na the

jo sañg-e-ehtisāb yagānoñ ke paas haiñ

dushman ke haath meñ bhī vo patthar kabhī na the

kis samt jā rahe haiñ unheñ ḳhud patā nahīñ

yuuñ be-ḳhabar to raah se rahbar kabhī na the

dil TukḌe TukḌe ho gayā zaḳhmī hai ruuh bhī

itne to tez vaqt ke nashtar kabhī na the

miltā nahīñ kahīñ bhī dar-o-bām kā nishāñ

ham ghar meñ rah ke itne to be-ghar kabhī na the

kyā jāneñ kyā huiiñ vo hasīñ shoḳhiyāñ 'hayāt'

aise niDhāl phuul se paikar kabhī na the

KHali sharab-e-ishq se saghar kabhi na the

aise to KHushk dil ke samundar kabhi na the

jo sang-e-ehtisab yaganon ke pas hain

dushman ke hath mein bhi wo patthar kabhi na the

kis samt ja rahe hain unhen KHud pata nahin

yun be-KHabar to rah se rahbar kabhi na the

dil TukDe TukDe ho gaya zaKHmi hai ruh bhi

itne to tez waqt ke nashtar kabhi na the

milta nahin kahin bhi dar-o-baam ka nishan

hum ghar mein rah ke itne to be-ghar kabhi na the

kya jaanen kya huin wo hasin shoKHiyan 'hayat'

aise niDhaal phul se paikar kabhi na the