KHamosh bhi rah jae aur izhaar bhi kar de
ḳhāmosh bhī rah jaa.e aur iz.hār bhī kar de
tasvīr vo hāziq hai jo bīmār bhī kar de
ham se to na hogī kabhī is tarah mohabbat
jo had se guzarne pe gunahgār bhī kar de
is baar bhī tāvīl-e-shab-o-roz na.ī hai
mumkin hai vo qaa.il mujhe is baar bhī kar de
aflāk-talāshī meñ huuñ us burj kī ḳhātir
jo mere ḳhazāne ko falak paar bhī kar de
āhañg-e-tasavvur se jo larzish hai ragoñ meñ
us ko mire ḳhāme kā sarokār bhī kar de
vo bait jo masdūd meñ rauzan kā sabab haiñ
un ko gul-e-āveza-e-dīvār bhī kar de
qirtās pe 'tafzīl' ravāñ juue kalī-rañg
shāyad mire lafzoñ ko mazedār bhī kar de
KHamosh bhi rah jae aur izhaar bhi kar de
taswir wo haziq hai jo bimar bhi kar de
hum se to na hogi kabhi is tarah mohabbat
jo had se guzarne pe gunahgar bhi kar de
is bar bhi tawil-e-shab-o-roz nai hai
mumkin hai wo qail mujhe is bar bhi kar de
aflak-talashi mein hun us burj ki KHatir
jo mere KHazane ko falak par bhi kar de
aahang-e-tasawwur se jo larzish hai ragon mein
us ko mere KHame ka sarokar bhi kar de
wo bait jo masdud mein rauzan ka sabab hain
un ko gul-e-aweza-e-diwar bhi kar de
qirtas pe 'tafzil' rawan jue kali-rang
shayad mere lafzon ko mazedar bhi kar de
- Book : Teksaal (Pg. 106)
- Author : Tafzeel Ahmad
- Publication : kasauti Publication (2016)
- Edition : 2016
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
