Khaar dushman jo bichhae to koi baat nahin

ḳhaar dushman jo bichhā.e to koī baat nahīñ

rāh-e-pur-ḳhār bhī aa.e to koī baat nahīñ

ho sakā jitnā tujhe dil meñ sañbhāle rakkhā

aaj dāman tū bachā.e to koī baat nahīñ

tujh se ummīd-e-vafā ham ne sanam rakkhī hai

tū sitam aur bhī Dhaa.e to koī baat nahīñ

tū ne baḳhshī thiiñ mirī ziist ko ḳhushiyāñ phir bhī

ab agar mujh ko rulā.e to koī baat nahīñ

dard to yuuñ bhī ġham-e-dil ko maza detā hai

tū agar dard baḌhā.e to koī baat nahīñ

mahfil-e-yār meñ mujh ko na milī koī ḳhushī

ab agar zulm bhī Dhaa.e to koī baat nahīñ

jis kī har baat pe thā mujh ko bharosa 'ātish'

vo mujhe chhoḌ ke jaa.e to koī baat nahīñ

KHar dushman jo bichhae to koi baat nahin

rah-e-pur-KHar bhi aae to koi baat nahin

ho saka jitna tujhe dil mein sanbhaale rakkha

aaj daman tu bachae to koi baat nahin

tujh se ummid-e-wafa hum ne sanam rakkhi hai

tu sitam aur bhi Dhae to koi baat nahin

tu ne baKHshi thin meri zist ko KHushiyan phir bhi

ab agar mujh ko rulae to koi baat nahin

dard to yun bhi gham-e-dil ko maza deta hai

tu agar dard baDhae to koi baat nahin

mahfil-e-yar mein mujh ko na mili koi KHushi

ab agar zulm bhi Dhae to koi baat nahin

jis ki har baat pe tha mujh ko bharosa 'atish'

wo mujhe chhoD ke jae to koi baat nahin