Khaar hi Khaar hain gulab nahin

ḳhaar hī ḳhaar haiñ gulāb nahīñ

us ke tohfe kā bhī javāb nahīñ

chāñd ho tum maiñ ik charāġh sahī

par maiñ sūraj se faizyāb nahīñ

niiñd TūTegī jaan jāoge

maiñ haqīqat huuñ koī ḳhvāb nahīñ

sab ko auqāt ke sivā baḳhshā

rahmatoñ kā tirī hisāb nahīñ

jo bhī māñgā milā hameñ lekin

ik vahī hai jo dastyāb nahīñ

husn saj kar bahut nikhartā hai

sādgī kā magar javāb nahīñ

'ishq kī qaid se nikalne ko

koī tarkīb kāmyāb nahīñ

aisī taqdīr bhī na ho 'nīraj'

shām-e-hijrāñ hai aur sharāb nahīñ

KHar hi KHar hain gulab nahin

us ke tohfe ka bhi jawab nahin

chand ho tum main ek charagh sahi

par main suraj se faizyab nahin

nind TuTegi jaan jaoge

main haqiqat hun koi KHwab nahin

sab ko auqat ke siwa baKHsha

rahmaton ka teri hisab nahin

jo bhi manga mila hamein lekin

ek wahi hai jo dastyab nahin

husn saj kar bahut nikharta hai

sadgi ka magar jawab nahin

'ishq ki qaid se nikalne ko

koi tarkib kaamyab nahin

aisi taqdir bhi na ho 'niraj'

sham-e-hijran hai aur sharab nahin