Khaar ko phul kaho dasht ko gulzar kaho

ḳhaar ko phuul kaho dasht ko gulzār kaho

aur is jabr ko āzādī-e-afkār kaho

jin ke hāthoñ meñ alam aur na kamar meñ shamshīr

vo bhī kahte haiñ hameñ qāfila-sālār kaho

maiñ to ik shoḳh ke dāman se karūñgā ta.abīr

tum use shauq se but-ḳhāne kī dīvār kaho

zulf bahke to use bād-e-bahārāñ samjho

chāñd nikle to use sho.ala-e-ruḳhsār kaho

kaj-kulāhoñ ke liye sañg-e-malāmat bhī haiñ phuul

sar pe aa.eñ to inheñ zīnat-e-dastār kaho

mere sheroñ meñ dhaḌaktā hai dil-e-mustaqbil

mujh ko chāho to na.e daur kā fankār kaho

maiñ ne Dhaa.e haiñ rivāyāt ke bosīda mahal

tum mujhe shauq se 'ġhālib' kā taraf-dār kaho

KHar ko phul kaho dasht ko gulzar kaho

aur is jabr ko aazadi-e-afkar kaho

jin ke hathon mein alam aur na kamar mein shamshir

wo bhi kahte hain hamein qafila-salar kaho

main to ek shoKH ke daman se karunga tabir

tum use shauq se but-KHane ki diwar kaho

zulf bahke to use baad-e-bahaaran samjho

chand nikle to use shoala-e-ruKHsar kaho

kaj-kulahon ke liye sang-e-malamat bhi hain phul

sar pe aaen to inhen zinat-e-dastar kaho

mere sheron mein dhaDakta hai dil-e-mustaqbil

mujh ko chaho to nae daur ka fankar kaho

main ne Dhae hain riwayat ke bosida mahal

tum mujhe shauq se 'ghaalib' ka taraf-dar kaho