Khaar to phir bhi Khaar hote hain

ḳhaar to phir bhī ḳhaar hote haiñ

gul bhī be-e'tibār hote haiñ

ġham se jo ham-kanār hote haiñ

bas vahī ġham-gusār hote haiñ

jin ke pīchhe na koī matlab ho

rishte vo ḳhush-gavār hote haiñ

dhokā khāte haiñ bas vahī aksar

jo bahut hoshiyār hote haiñ

hāsidoñ ke karam hī kaafī thī

dost kyoñ barq-bār hote haiñ

jin kī ghuTTī hī meñ ho be-sharmī

vo kahīñ sharmsār hote haiñ

aise phūloñ kā kyā kareñ 'nāmī'

jin ke pahlū meñ ḳhaar hote haiñ

KHar to phir bhi KHar hote hain

gul bhi be-e'tibar hote hain

gham se jo ham-kanar hote hain

bas wahi gham-gusar hote hain

jin ke pichhe na koi matlab ho

rishte wo KHush-gawar hote hain

dhoka khate hain bas wahi aksar

jo bahut hoshiyar hote hain

hasidon ke karam hi kafi thi

dost kyon barq-bar hote hain

jin ki ghuTTi hi mein ho be-sharmi

wo kahin sharmsar hote hain

aise phulon ka kya karen 'nami'

jin ke pahlu mein KHar hote hain