KHabar karo unhen yahi to faisle ka waqt hai

ḳhabar karo unheñ yahī to faisle kā vaqt hai

jo fasl bo ga.e the us ko kāTne kā vaqt hai

maiñ chaḌh rahā huuñ dūsrī taraf se koh-e-tūr par

ḳhudā ko aaj sāmne se dekhne kā vaqt hai

koī kalī chaTaḳh ke mere kaan meñ ye kah ga.ī

bahār utar rahī hai gaañv lauTne kā vaqt hai

jo gahre pāniyoñ kī or baḌh rahe haiñ māhī-gīr

unheñ kaho ye kashtiyoñ ko rokne kā vaqt hai

udhar koī bulā rahā hai qatl-gāh kī taraf

idhar saf-e-'azā hai rone pīTne kā vaqt hai

muqāble pe aurteñ haiñ bachche haiñ za'īf haiñ

laḌā.ī meñ sipāhiyoñ ke sochne kā vaqt hai

KHabar karo unhen yahi to faisle ka waqt hai

jo fasl bo gae the us ko kaTne ka waqt hai

main chaDh raha hun dusri taraf se koh-e-tur par

KHuda ko aaj samne se dekhne ka waqt hai

koi kali chaTaKH ke mere kan mein ye kah gai

bahaar utar rahi hai ganw lauTne ka waqt hai

jo gahre paniyon ki or baDh rahe hain mahi-gir

unhen kaho ye kashtiyon ko rokne ka waqt hai

udhar koi bula raha hai qatl-gah ki taraf

idhar saf-e-'aza hai rone piTne ka waqt hai

muqable pe aurten hain bachche hain za'if hain

laDai mein sipahiyon ke sochne ka waqt hai