KHabar nahin ki zamin hain ki aasman hain hum

ḳhabar nahīñ ki zamīñ haiñ ki āsmāñ haiñ ham

ḳhabar nahīñ ki bhañvar haiñ ki bādbāñ haiñ ham

na zād-e-rāh na himmat na manzil-e-maqsūd

na jaane kaunsī manzil ke kārvāñ haiñ ham

chaman meñ rah ke bhī rang-e-chaman se haiñ mahrūm

bahār haiñ ki ḳhizāñ haiñ ki gulsitāñ haiñ ham

pilā sharāb uThā sāz-e-dil ke taar hilā

abhī shabāb ke din haiñ abhī javāñ haiñ ham

kashākash-e-ġham-e-hastī se gar mile fursat

jahāñ ko ham bhī dikhā deñge bā-zabāñ haiñ ham

jahāñ ko apnī nazar se girā diyā ham ne

ḳhud apne haal meñ poshīda ik jahāñ haiñ ham

hameñ na hasrat-e-duniyā na hasrat-e-uqbā

ḳhud apne paañv ke miTte hue nishāñ haiñ ham

KHabar nahin ki zamin hain ki aasman hain hum

KHabar nahin ki bhanwar hain ki baadban hain hum

na zad-e-rah na himmat na manzil-e-maqsud

na jaane kaunsi manzil ke karwan hain hum

chaman mein rah ke bhi rang-e-chaman se hain mahrum

bahaar hain ki KHizan hain ki gulsitan hain hum

pila sharab uTha saz-e-dil ke tar hila

abhi shabab ke din hain abhi jawan hain hum

kashakash-e-gham-e-hasti se gar mile fursat

jahan ko hum bhi dikha denge ba-zaban hain hum

jahan ko apni nazar se gira diya hum ne

KHud apne haal mein poshida ek jahan hain hum

hamein na hasrat-e-duniya na hasrat-e-uqba

KHud apne panw ke miTte hue nishan hain hum