KHabar nahin wo ziya-bar karne aaya tha

ḳhabar nahīñ vo ziyā-bār karne aayā thā

ki aur rāste dushvār karne aayā thā

vo sab ko haq kā taraf-dār karne aayā thā

ki apnā hāshiya-bardār karne aayā thā

mujhe chaḌhā diyā un sab ne mil ke suulī par

maiñ jin ko niiñd se bedār karne aayā thā

sulag rahī hai jo bastī koī sabab hogā

fazā ko koī to bīmār karne aayā thā

supurdagī meñ aqīdat nahīñ thī hushyārī

vo ik vasīle ko hathiyār karne aayā thā

ye kyā ki ḳhud ise tārāj karne vaalā huuñ

maiñ jis zamīn ko gulzār karne aayā thā

KHabar nahin wo ziya-bar karne aaya tha

ki aur raste dushwar karne aaya tha

wo sab ko haq ka taraf-dar karne aaya tha

ki apna hashiya-bardar karne aaya tha

mujhe chaDha diya un sab ne mil ke suli par

main jin ko nind se bedar karne aaya tha

sulag rahi hai jo basti koi sabab hoga

faza ko koi to bimar karne aaya tha

supurdagi mein aqidat nahin thi hushyari

wo ek wasile ko hathiyar karne aaya tha

ye kya ki KHud ise taraj karne wala hun

main jis zamin ko gulzar karne aaya tha