KHabar sunte to hain us sang-dil ke dil mein aane ki

ḳhabar sunte to haiñ us sang-dil ke dil meñ aane kī

ḳhudā ma.alūm kyā sūrat bane ā.īna-ḳhāne kī

na jaane ḳhaak ho jaane kī lazzat kab mayassar ho

abhī to ek muddat se hai ḳhidmat ḳhaak uḌāne kī

zamīn-o-āsmāñ kuchh hoñ to ho pastī bulandī bhī

yahāñ to roz kaifiyyat badaltī hai zamāne kī

sahārā ishq-e-zor-āvar ne ḳhud hī de diyā varna

kahāñ ham aur kahāñ tāqat ye koh-e-ġham uThāne kī

fanā-āhang shāyad sāz-e-hastī se barāmad ho

ki aatī hai sadā tār-e-nafas se jhanjhanāne kī

KHabar sunte to hain us sang-dil ke dil mein aane ki

KHuda malum kya surat bane aaina-KHane ki

na jaane KHak ho jaane ki lazzat kab mayassar ho

abhi to ek muddat se hai KHidmat KHak uDane ki

zamin-o-asman kuchh hon to ho pasti bulandi bhi

yahan to roz kaifiyyat badalti hai zamane ki

sahaara ishq-e-zor-awar ne KHud hi de diya warna

kahan hum aur kahan taqat ye koh-e-gham uThane ki

fana-ahang shayad saz-e-hasti se baramad ho

ki aati hai sada tar-e-nafas se jhanjhanane ki